Cerdd Iaith:
Defnyddio’r celfyddydau mynegiannol i addysgu a dysgu ieithoedd

Mae Cerdd Iaith yn adnodd newydd a phwerus sy’n defnyddio cerddoriaeth a drama i helpu disgyblion ysgolion cynradd ddysgu Cymraeg, Saesneg a Sbaeneg. Mae’n llawn dop o weithgareddau unigryw a chyffrous yn ogystal â nifer o ganeuon gwreiddiol a gyfansoddwyd yn arbennig ar ei gyfer. Cafodd yr adnodd dysgu creadigol yma ei ddatblygu gan ieithyddion, cerddorion ac ymarferwyr mewn cydweithrediad agos gydag athrawon ysgolion cynradd yng Nghymru. Nod yr adnodd yma yw cefnogi athrawon gyda’r gwaith o adeiladu ar sgiliau Cymraeg a Saesneg y dysgwyr wrth gyflwyno trydedd iaith yn y dosbarth – gan ateb gofynion Maes Dysgu a Phrofiad Ieithoedd, Llythrennedd a Chyfathrebu’r Cwricwlwm Newydd i Gymru. Bydd dulliau dysgu’r adnodd, sy’n defnyddio gweithgareddau celfyddydol ynghyd â hanes Patagonia, yn cynnig profiad dysgu cyfannol a thraws-gwricwlaidd a fydd yn ysgogi a thanio brwdfrydedd y plant i ddysgu’n weithredol a mwynhau siarad ieithoedd newydd.